Voss senioruniversitet

- ein møteplass for tanke og trivnad!

Neste møte:        

Onsdag 23. september:

Coach og gestaltveileder Helga Bognø (biletet under):

«Livet som senior - ny livsfase og nye vanar»

Bilete: frå eiga FB-side

Onsdag 23. sept. kjem coach og gestaltveiledar Helga Bognø til Voss senioruniversitet.

Ho vil snakka om «Livet som senior – ny livsfase og nye livsvaner». Med sin helsefaglege bakgrunn vil Helga Bognø peika på korleis ein kan fremma helse og førebyggja sjukdom. Korleis er det til dømes å vera blitt aleine som eldre? Korleis er det med eldre og ulik legemidlar? Kva med alkoholbruk blant eldre?

Helga Bognø har i fleire år jobba som prosjektleiar i prosjektet «Eldre, alkohol og ensomhet», finansiert av Helsedirektoratet.

Møtet er ope for alle aldersgrupper. Velkomen til Park Hotel for eit interessant og veldig aktuelt føredrag.

Anne - Grete Brekken Haugen

Sjå sak i BA i 2018 her

Medlemsrabatt på konserten "Felemakaren" i Osafestivalen!

Du kan kjøpa billett til denne konserten og få kr. 100,- i rabatt ved å nytta Promokode:  felemakaraen 2026

Du må ha med medlemskortet for eventuell kontroll ved inngang til konserten.

Sjå møteplanen for hausten 2026 under fana Møteplan

Voss senioruniversitet 20 år

Onsdag 28. januar 2026 var over 200 deltakarar samla for å markers 20 års jubileet til Voss senioruniversitet. Borda i Vossasalen på Park var fint pynta med kvite dukar, og alle vart mottekne med alkoholfrie sprudle-dråpar i glaset. Eit inspirerande føredrag av pianist og kulturformidlar Frode Skag Storheim (biletet over) sette ein ekstra spiss på dagen, som vart avslutta med kaffi og festkake. Takk til alle som var med og feira dagen, takk til Park Hotell Vossevangen, og takk til @vossabanken - Voss Sparebank som sponsa denne tilskipinga.

Kva er Voss senioruniversitet?

Voss senioruniversitet er ein ideell organisasjon som samlar interesserte seniorar til foredrag og samtale om eit fagleg tema. Emna er henta frå universitet, høgskule og samfunnsliv.

Møta er opne for alle. Dei som ønskjer medlemskap, betaler ein kontingent kvart halvår og kjem så inn på møta med å visa medlemskort/betalt semesteravgift. Medlemer vert oppmoda om å stilla på årsmøtet.

Andre er og hjarteleg velkomne og betaler då for kvart møte på bankterminal eller Vipps (536809).

Opplegget inneber eit foredrag, ei kaffi-/pratestund og høve til spørsmål og drøfting.

For haushalvåret 2026 er kontingenten kr 600.

Dei som ikkje er medlemer betaler kr 150 for kvart møte.

Kaffi/te og rykande fersk kaffimat er inkludert!

Foredraga blir støtta av Folkeakademiet Voss.