Voss senioruniversitet

- ein møteplass for tanke og trivnad!

Neste møte: Øyvind Strømmen: "Forteljingar frå ytre høgre"

Foto: Guri Barka Martins / MDG

Komande onsdag får me besøk av Øyvind Strømmen

Strømmen er utdanna journalist og religionsvitar. Han arbeider som kommunikasjonsrådgjevar og har skrive ei rekkje bøker, som Det mørke nettet, Den sorte tråden og Giftpillen: Konspirasjonsteorier og deres ødeleggende kraft. 

I fjor haust kom boka Hat: fortellinger om ytre høyre. I foredraget sitt tek Øyvind Strømmen utgangspunkt i denne nyaste boka si. Han vil snakka om trendar i det moderne ytre høgre, om korleis den radikale høgresida vert normalisert og om forfallsforteljingane som står sentralt.

Merk at denne gongen samlast me på Ole Bull Akademiet, i Osasalen.

Velkomne til ei svært interessant stund om eit veldig aktuelt tema!

Ingunn Hommedal

                                                             Sjekk Møteplan     

Kva er Voss senioruniversitet?

Voss senioruniversitet er ein ideell organisasjon som samlar interesserte seniorar til foredrag og samtale om eit fagleg tema. Emna er henta frå universitet, høgskule og samfunnsliv.

Møta er opne for alle. Dei som ønskjer medlemskap, betaler ein kontingent kvart halvår og kjem så inn på møta med å visa medlemskort. Medlemer vert oppmoda om å stilla på årsmøtet.

Andre er og hjarteleg velkomne og betaler då for kvart møte på bankterminal eller Vipps (536809).

Opplegget inneber eit foredrag, ei kaffi-/pratestund og høve til spørsmål og drøfting.

For vårhalvåret 2026 er kontingenten kr 600.

Dei som ikkje er medlemer betaler kr 150 for kvart møte.

Kaffi/te og rykande fersk kaffimat er inkludert!

Foredraga blir støtta av Folkeakademiet Voss.